गांजा पिल्यानंतर या गोष्टी होतात… अहं…

काय गांजा पिलात की, अहो ओढतात म्हणा ओढतात. गांजा काय म्हणताय जॉइन्ट म्हणा जॉइन्ट. सभ्यता नावाचा प्रकार आहे की नाही तुमच्यात. हे बघ भिडू गांजा हा एकमेव पदार्थ असाय ज्याला काहीही म्हणलं तरी तो काय चढायचा रहात नाही. त्याच काम तो इमानइतबारे करतो. म्हणजे कसय आज सकाळपासून मालकांना आर्टिकल लिहून देतो म्हणून आम्ही पाट्या टाकतोय पण गांजाच तस नसतय. गांजा आपलं काम शुद्धीत करत असतो. 

बर आत्ता गांजा बेकायदेशीर आहे म्हणणाऱ्यासाठी खास, 

भिडूंनो उघडा डोळे बघा निट. आपल्या आजूबाजूला कुणाच्या सिगरेटमध्ये कुठला माल आहे ते एकदा हाय झाल्याशिवाय तुम्हाला समजणार नाही. चुकून चुकिच्या संगतीनं तूम्ही गांजा मारलाच तर तुम्हाला दूरवरुन गांजाचा वास अचूक ओळखता येतो हे १०० टक्के सत्य असलेली गोष्ट आहे. बाकी गांजा मारू नये या विचाराचेच आम्ही आहोत पण हाच विचार घेवून कुंभ मेळातल्या अघोरी सांधूकडे गेलो तर पेटकात दोन चार त्रिशूल पडतील म्हणून आम्ही कोणालाच चांगल वाईट सांगायच्या फंदात पडत नाही. 

पण हा गांजा पिला की असं होतं, तस होतं.. एक माणूस रात्रभर हसत होता. एकजण मान फिरवत बसलेला वगैरे वगैरे लॉजिकच्या पलीकडे अजून काही गांजाबद्दल गैरसमज आहेत. म्हणजे शुद्ध अफवा आहेत त्या सांगणे हा लेखाचा मुळ उद्देश आहे . 

१) गांजा हे सगळी व्यसन सोडण्याच मुख्य साधन आहे. 

दारू पितोस, सिगरेच ओढतोस, राडा करतोस दिग्या ? तर हे तुझ्यासाठीच आहे. मावा सोडायचा असेल, सिगरेट सोडायची असेल, दारू सोडायची असेल तर सर्वांवर गांजा हा एकमेव उपाय आहे. जवळचा मित्र शब्द देतो आणि गांजा या नव्या पदार्थांची नोंद आपल्या डायरीत होते. या पलीकडे या अलीकडे दूसरं काहीच होतं नाही. थोडक्यात गेटवे ड्रग्ज म्हणून गांजा वापरा अस सांगितलं जातं पण शास्त्रीय पातळ्यांवर हि ग्रेट अफवा आहे हे सिद्ध झालय. सो गायछाप सोडायचा विचार म्हणून सुद्धा गांजा मारायला सुरवात करुन काहीही गायछाप तशीच राहणार आहे. अगदी परमनंट. 

२) गांजा चं व्यसन लय वाईट लगा. 

अहं हि दूसरी अफवा. गांजाच व्यसन लागत नाही. म्हणजे भले भले गांजा मारणारे या लिस्टमधून अपवाद म्हणून वगळू पण एकदा पिला आणि सवय लागली अस गांजाच्या बाबतीत होत नाही. दारूचा ग्लास उचलला परमनंट झाला, तंबाखू खाल्ली परमनंट झाली, सिगरेट मारली परमनंट झाली पण गांजा परमनंट होत नसतो, थोडक्यात गांजा हे प्रेयसीसारखं असतय बायको नसते. कळतय नव्हं. 

३) गांजाच हिरवं झाड पण लय चढतं. 

कच्च बोकड खालय का ? तांबड्या रश्यात आलेल्या मटणाच्या तुकड्यापेक्षा जिवंत बोकड चांगल लागल का ? नाही न. गांजाच पण तसचय. गांजा वाळला की माल तयार होतो. तोपर्यन्त गांजा म्हणजे गवतच असत. उगी दिसलं रोपटं म्हणून उपसून खाल्ल आणि झालो हाय असा प्रकार नसतो भिडू लोकांनो. सो जस्ट चिल ब्रो. जनावर तर गांजाच्या झाडाचा बुकना पाडत असतात. काहीही होत नाही. काळजीचं कारण नाही. 

४) गांजा हे सिगरेटपेक्षा खतरनाक असतय. 

शुद्ध भंपकपणा आहे. म्हणजे दोन बाद गोष्टींमध्ये सर्वात जास्त बाद गोष्ट कोणती तर ती सिगरेट. उलट गांजाचा उपयोग काहीजण सांगतात. पेन किलर सारख्या औषधांमध्ये त्याचा उपयोग देखील होतो पण सिगरेटच तस नसतय. सिगरेट तुमची फुफ्फुस पुर्ण काळी करुनच थांबत असतय. त्यामुळे सिग्रेट लय बाद आणि गांजा त्यातल्या त्यात बर अस समीकरण असतय. 

५) गांजा मारला की सगळं विसरतं. 

आहा, काहीच खर नाही. उलट गांजा मेमरीसाठी चांगला असतो असं गांजा मारणारेच म्हणतात. असो त्यांच्यावर किती विश्वास ठेवायचा हि गोष्ट वेगळी पण गांजा मारून कोण विसरत नाही. विसरलं तर ते तात्पुरत असतं. हाय झाल्यानंतर. ते पण का होतं तर नशा वो बाकी काही नाही. लयच झाला आणि झोप लागली तर दूसऱ्या दिवशी सगळं निल असतं. 

६) ओव्हरडोस झाला की मरतय. 

गांजाचा ओव्हरडोस म्हणजे किती माहिताय का? तुम्ही नेहमी जितकी पिता त्याच्या ४००० पट घेतली की ओव्हरडोस झाला. आणि ४००० पट घेण्याचं धाडस अजून कुणाच्यातच नाही त्यामुळ जस्ट चील. पण हा गांजा पिवून भिल्याचा विचार आला तर तुमच्या बत्या गुल होवू शकतात. म्हणजे भितीने अटॅक वगैरे येवू शकतो पण त्याला गांजा डायरेक्ट जबाबदार नसतोय. तुमची भिती कारणीभूत असते. त्यामुळे लय झाला टाईप गोष्टी इथे नसतात. 

७) शेवट, आत्ता हे सांगण गरजेच आहे पण लय जण म्हणतात गांजा पिला की पोरांची छाती भरते. 

छाती भरते म्हणजे ते ५६ इंचासारखं नाही तर ते तसली वाली छाती भरते. मग बस्सा बोंबलत. याला इंग्लीशमध्ये मॅन बूब्स म्हणतात. पण ती देखील अफवा आहे. पोरांना भिती घालण्यासाठी कुठल्यातरी सुपीक डोक्यातून हि आयडीया आली असण्याची शक्यता नाकारता येत नाही. 

बाकी या सात अफवा. गांजा पिल्यानंतर यातलं काही होतं नाही. पण एक गोष्ट मात्र फिक्स होते ते म्हणजे  पोलीसांना घावला तर लय रट्टे पडतात. आतपण जायला लागतं. तसही माणसानं येवढं मटण थाळी, चिकण थाळी बनवलं आहे तर मोकळेपणाने ते खावं असल काहीही मारण्यात अर्थ नसतो (सामाजिक जबाबदारीचं भान जपण्यात आलं आहे) असो, गांजाबद्दल इतकं अभ्यासू मराठीमध्ये तरी कोणी लिहलं नाही अस आमचं अंर्तमन म्हणत आहे.

असो पुन्हा एकदा सांगतो गांज्यावर बंदी आहे गांज्यावर लिहण्यावर नाही. सो जस्ट चील. 

टिप : लेखक शुद्धीत होता त्यामुळे वाचकही असावा हि विनंती. 

हे ही वाचा. 

• जगप्रसिद्ध गांजा पिकवणारं गाव भारताचा कायदा मानत नाही पण अकबराची पूजा करतं..!!!
• राजीव गांधींना फसवुन अमेरिकेनं भारतात गांजा बंद केला.
• दारू, सिग्रेट, विमल, गायछाप, मावा खातो हे नव्या नवरीला अस सांगायचं असतय.