प्रत्येक बोइंग विमान क्रमांक 7 नेच का सुरू होतो आणि 7 नेच का संपतो ?

विमान प्रवास म्हणजे प्रत्येकाला हवंहवस वाटणारं स्वप्न असतं. गावाकडे किंवा शहरात जरी विमानाचा आवाज आला तरी आपण बाहेर येऊन आकाशात पाहतो. पण एक गोष्ट लक्षात आलीय का कधी की कोणतेही विमान त्याच्या क्रमांकावरून ओळखले जाते. बोईंग विमानाशी संबंधित बातम्या वारंवार येत असतात. कधी त्याचे सुरक्षित लँडिंग तर कधी क्रॅश झाले वैगरे अश्या बातम्या आपण वाचत असतो.

ही विमाने व्यावसायिक आणि संरक्षण अशा दोन्ही कारणांसाठी वापरली जातात. त्यामुळे अमेरिकन कंपनी बोईंग केवळ व्यावसायिक विमानच बनवत नाही तर त्यावर संरक्षण क्षेत्रातही काम करते. अमेरिकन कंपनी बोईंग देखील आपल्या विमानाबाबत अनेकदा चर्चेत असते, परंतु या बोईंग विमानाशी संबंधित अनेक बातम्या वाचताना तुम्ही कधी विचार केला आहे का की, बोइंगच्या सर्व विमानांचे क्रमांक 7 ने का सुरू होतात? या 7 क्रमांकामागे एक अतिशय रंजक कथा आहे जी आपण जाणून घेऊ. या ७ क्रमांकामागील रहस्य जाणून घेऊया आणि हेही जाणून घेऊया की ‘बोईंग एअरक्राफ्ट’मध्ये या ७ नंबरचा अर्थ काय आहे ?

वास्तविक, बोईंगने सुरुवातीला बनवलेली सर्व विमाने, त्यांचे मॉडेल क्रमांक 100 ने सुरू झाले होते. यामध्ये सिंगल विंग डिझाइनसाठी बोईंग 200 क्रमांकाचा वापर करण्यात आला होता. याव्यतिरिक्त, 300 आणि 400 व्यावसायिक प्रोपेलर असलेली बोईंग विमाने होती. तसेच, 500 क्रमांक हे विमानासाठी सर्व टर्बो इंजिन होते आणि 600 क्रमांक क्षेपणास्त्र आणि रॉकेट-चलित उपकरणांसाठी होता. बोईंगच्या व्यावसायिक जेटलाइनर्ससाठी 700 नंबर आणि 800 नंबर आता वापरात नाही.
सुरक्षेसाठी 7 क्रमांकाचा वापर करण्यात आला.

काही लोकांचा असा अंदाज असतो की बोईंगचा क्रमांक 707 हा प्रवाशांच्या संख्येचा संदर्भ देतो की बोईंग विमानात एका वेळी किती प्रवासी प्रवास करू शकतात, तर या क्रमांकांमागील वास्तविकता प्रवाशांची संख्या नसून सुरक्षेसाठी, एअरक्राफ्टसाठी 7 क्रमांक वापरण्यात आला होता.

जसे की, आपल्या सर्वांना माहित आहे की कोणतेही विमान त्याच्या क्रमांकावरून ओळखले जाते आणि ते ओळखण्याचा हा सर्वात सोपा मार्ग आहे. यामुळे इंजिनियर भिडू लोकांना हे बोईंग ओळखण्यास आणि वेगळे करण्यास मदत करते. याशिवाय सामान्य लोकांवर विश्वास ठेवला तर त्यांचे म्हणणे आहे की, बोईंगच्या पहिल्या व्यावसायिक प्रवासी विमान कंपनीची घोषणा झाली तेव्हा त्या विमानाला ७०७ क्रमांक देण्यात आला होता. बोइंग 707 च्या लॉन्चला जेट एजची सुरुवात देखील म्हटले जाते.

बोईंगच्या पहिल्या विमान कंपनीला हा क्रमांक दिल्याने, आतापासून प्रत्येक जेट क्रमांक 7 ने सुरू होईल आणि समाप्त होईल, असे ठरले. तसेच, हा क्रमांक फक्त व्यावसायिक जेटसाठी वापरला जाईल, असेही या निर्णयात निश्चित करण्यात आले. आता हा 7 क्रमांक म्हणजे एखाद्या सुंदर मुलीच्या गालावर असलेल्या तिळासारखा बोईंग विमानांशी जोडला गेला आहे.

हे ही वाच भिडू :

• ५ जी नेटवर्कमुळं विमान सेवेला नेमका कोणता प्रॉब्लम होतो?
• संजय गांधींची कृपा ! दिल्लीचं विमान मुंबईत उतरलंच नाही आणि अंतुले मुख्यमंत्री झाले
• देशात सगळ्यात मोठा बॉम्ब तयार होतोय, जो पाकिस्तानच्या कुठल्यापण विमानतळाला उडवून टाकेल
• माधवराव सिंधिया आणि त्यांच्या आयुष्यात घडून गेलेले तीन दुर्दैवी विमान अपघात…