अल्लू अर्जुनच्या पप्पांनी बॉलिवूडला सगळयात आधी 100 करोडचा हिट सिनेमा दिला होता…
दिवसेंदिवस बॉलीवूड वर दाक्षिणात्य सिनेमांचं वाढणार प्रस्थ बघता काही दिवसांनी बॉलीवूड नामशेष होतो की काय असं वाटू लागल आहे. नुकताच आलेला पुष्पा हा म्हणजे सगळे जग असं काहीसं वातावरण झालं म्हणजे हा सिनेमा गाजला यातले प्रत्येक सीन्स आणि स्टाईल गाजली. गाण्यांचा तर काय विचारूच नका श्री वल्ली असो किंवा उंटा वां वा असो या गाण्यांनी पूर्ण भारताला वेड लावल आहे.
आजच्या काळात साऊथ सिनेमा हा प्रगत सिनेमांपैकी एक मानला जातो म्हणजे इंडस्ट्रीचं एक वेगळे जग आहे. साऊथ सिनेमा वाले आपलं कल्चर आपल्या सिनेमातून दाखवतात जास्त भानगडी करण्याचा प्रयत्न ते पडत नाहीत. आज साउथ चे सिनेमे करोडच्या क्लबमध्ये खेळताना दिसतात बॉक्स ऑफिसवर फुलं पैसा कमवताना दिसतात. पण एक काळ असा होता अल्लू अर्जुन च्या वडिलांमुळे बॉलिवूडला पहिला शंभर कोटींचा सिनेमा मिळाला तर जाणून घेऊया नेमका कसा आणि कोणता सिनेमा होता.
तसं बघितलं तर पुष्पाने हिंदीमध्ये प्रमोशन करण्यासाठी शून्य रुपये गुंतवले होते म्हणजे त्यांनी जास्त कष्ट घेतले नाही तरीही हिंदी प्रेक्षकांकडून म्हणा किंवा भारतभरातून म्हणा या सिनेमाने बक्कळ कमाई केली त्यानंतर नंबर लागतो तो रोहित शेट्टीच्या सूर्यवंशीचा.
पुष्पाच्या लाटेत बरेच मोठे सिनेमे वाहून गेले.
पुष्पा हा बॉलीवूडमध्ये आणि अल्लू अर्जुन बॉलीवूड मध्ये आत्ता फेमस झाले त्यांच्या आधी बॉलीवूड मध्ये फेमस झाले होते ते म्हणजे अल्लू अरविंद जे की अल्लू अर्जुनचे वडील होते. एका दशकांहून अधिक काळ अल्लू अरविंद बॉलीवूड मध्ये प्रोड्यूसर म्हणून नावाजलेले होते अजूनही आहेत, अनेक हिट सिनेमे त्यांनी दिले आहेत. पण तुम्हाला माहिती आहे का अल्लू अरविंद यांनी बॉलीवूड ला पहिला शंभर कोटीचा ब्लॉकबस्टर सिनेमा दिला आणि तो सिनेमा होता गजनी जो 2008 साली आला होता. 2005 साल चा तमिळ मधला हिट सिनेमा गजनी या सिनेमाचा तो रिमेक होता. आमिर खान असीम आणि जिया खान यांच्या या सिनेमात प्रमुख भूमिका होत्या.
अल्लू अरविंद यांची गजनी ही आठवी फिल्म होती ती प्रोडूसर म्हणून अल्लू अरविंद यांनी हाच सिनेमा तेलगू मध्ये डब केला आणि पुन्हा बाजारात उतरवला हिंदीमध्ये या सिनेमाने शंभर कोटीच्या क्लबमध्ये स्थान मिळवलं होतं तोवर शंभर कोटी हा बेंच मार्क बॉलीवूड मध्ये अल्लू अरविंद यांनी सेट केला होता. साउथ चे लोक फक्त हाणामाऱ्या करत नाही तर डोकं लावून बिजनेस सुद्धा करतात याचं हे उत्तम उदाहरण.
गजनी व्यतिरिक्त अल्लू अरविंद यांनी बॉलीवूडमध्ये प्रोड्युस केलेल्या फिल्मस म्हणजे प्रतिबंध, द जंटलमन, कौन ? कुवारा आणि कलकत्ता मेल. त्यांचा पुढचा येणारा सिनेमा म्हणजे शाहिद कपूरचा आणि मृणाल ठाकूरचा जर्सी आणि अजून एक सिनेमा म्हणजे कार्तिक आर्यन आणि क्रिती सेनन स्टारर शहजादा होय. शहजादा हा ऑफिशियल रिमेक असून त्याचा ओरिजिनल पिक्चर हा 2020 साली अल्लू अर्जुनचा अला वैकुंठपुरामुलू होय.
आता जर नीट लक्ष देऊन बघितलं तर अल्लू अर्जुन आणि अल्लू अरविंद यांच्यामध्ये कळेल ही बाप बाप होता है पण सगळ्यात महत्त्वाची गोष्ट म्हणजे अल्लू अरविंद यांनी बॉलिवूडला शंभर कोटीचा मार्क ठरवून दिला होता.
हे ही वाच भिडू :
- नाटु नाटु गाण्यामुळे चर्चा होणाऱ्या या पिक्चरचा इतिहास योद्धा क्रांतिकारकांचा आहे
- शप्पथ सांगतो रश्मिकाच्या प्रत्येक फोटोखाली आमचं काळीज अशी कमेंट करावी वाटते…
- छपरी थेरं करण्यापेक्षा, इंस्टाग्रामवरुन पैसे कसे छापायचे हे माहिती करुन घे भिडू
- एकेकाळी फोन बूथवर काम करणारा विजय सेथुपती आज बॉलिवूडलासुद्धा भारी पडतोय….