चीननं शोधलेल्या ‘ड्रॅगन मॅन’मुळे दिड लाख वर्षांचा मानवी इतिहास पुढे आलाय…

हा ड्रॅगन मॅन होता तरी कसा ?

आत्ताच्या होमो सेपियन्सशी मिळता जुळता मेंदू या ड्रॅगन मॅनचा आहे. या माणसाच्या डोळ्यांची खोबण चौरस आकाराच्या जवळ जाणारी आहेत. भुवया दाट होत्या, तोंडाचा आकार मोठा होता. दातही मोठाल्या आकाराचे होते. संपूर्ण स्वरुपाचं असं खूप प्राचीन जीवाश्म सापडलं आहे, असं संशोधनात स्पष्ट झालंय. चिनी संशोधकांनी ही एक वेगळी प्रजाती मानली आहे. होमो लोंगी असं या जीवाश्मांना नाव देण्यात आलं आहे. चीनी भाषेत लोंग म्हणडे ड्रॅगन.

आजच्या हार्बिन शहरातील हिवाळ्यातील तापमान पाहिल्यास हे दिसून येते की या प्रजातीला निअँडरथल पेक्षा जास्त थंडपणाचा सामना करावा लागला असेल. होमो लोंगी बद्दल असे म्हटले जाते की त्यांची जात  संपूर्ण आशियामध्ये पसरली होती. आणि ते अतिशय कठीण वातावरणात जगत होते. या आधी, इस्त्राईलमधून ही अशीच बातमी मिळाली होती की नेशेर रामला येथील उत्खननात एक कवटी सापडली आहे. वेगवेगळ्या होमो लोकसंख्येपैकी हा शेवटचा मनुष्य असू शकतो.

चीनच्या जिओ विद्यापीठातील प्रोफेसर किआंग जी यांनी भौगोलिक रसायन शास्त्राच्या सहाय्याने असा अंदाज लावला की ही कवटी १.४६ लाख वर्ष जुनी असावी. त्यात बरीच जुनी आणि नवीन वैशिष्ट्ये होती. ती थोडी होमो सेपियन्ससारखी असल्याचे आढळले. ही कवटी आधुनिक मानवांपेक्षा खूप मोठी आहे. संशोधकांचा असा विश्वास आहे की ती ५० वर्षांच्या पुरूषाची असावी. त्याचे नाक रुंद असावे, या व्यक्तीचे शरीर खूप मोठे असावे.

एका सॉफ्टवेयरच्या मदतीने, असे आढळले की ही कवटी नवीन श्रेणीची आहे जी निअँडरथल पेक्षा  आधुनिक मानवाच्या जवळ आहे. रशियामधील डेनिसोव्हा इथल्या गुहेत मोडलेल्या हाताच्या बोटाचं हाड सापडलं होतं. ५० ते ३० हजार वर्षं जुन्या या हाडाच्या डीएनएचं पृथ्थकरण करून पहिल्यांदा डेनिसोव्हन्सची ओळख पटविण्यात आली होती. निअँडरथल वंशाशी साधर्म्य असलेल्या या वंशांचे सापडलेले अवशेष हे तुकड्या तुकड्यांमध्ये होते.

केंब्रिज विद्यापीठाच्या मिराझोन लाहर यांच्या मते ड्रॅगन मॅन हा डेनिसोव्हनच आहे.