मुंबईत एक जण हॉटेलात ८ महिने राहिला, २५ लाखाच बिल केलं आणि खिडकीतुन पळून गेला

अहवालानुसार, कामत गेल्या वर्षी म्हणजेच २०२० सालच्या नोव्हेंबरमध्ये पहिल्यांदाच या मुंबईतल्या  हॉटेलमध्ये प्रवेश केला होता.

आपण बराच काळापासून  फिल्म इंडस्ट्रीमध्ये काम करतोय, माझ्या बऱ्याच ओळखी आहेत इत्यादी  माहिती त्या हॉटेल च्या कर्मचाऱ्यांना दिली आणि दोन सुपर डीलक्स रूम बुक केल्या. एक रूम त्या व्यक्तीच्या वैयक्तिक मुक्कामासाठी होती तर दुसरी रूम त्याच्या कामाशी संबंधित असलेल्या बैठकांसाठी होती.

चेक इन केल्या नंतरच्या एका महिन्यानंतर आपण झालेल्या बिलाची रक्कम भरू असे आश्वासन त्याने हॉटेलवाल्यांना दिले होते. त्यासोबतच या व्यक्तीने स्वतःचा पासपोर्ट हॉटेलला सबमिट केला होता अशीही माहिती समोर आली आहे. 

बरीच महिने झालीत बिल भरले नाही म्हणून हॉटेल मालकांनी त्यांना बिल भरण्याची विनंती केली.

अगदी यावर्षीच्या मे महिन्यापर्यंत या कामात ने हॉटेलचे बिल भरलेच नव्हते. शेवटी १७ जुलै रोजी हॉटेल कर्मचाऱ्यांना त्यांच्या बुक केल्या गेलेल्या रूममध्ये आढळले की, कामत याने आपल्या मुलासह बाथरूमच्या खिडकीतून पळ काढला आहे. मात्र त्याने त्याचा लॅपटॉप आणि मोबाईल फोन हॉटेलच्या रुममधेच सोडला. मात्र त्याचा शोधाशोध करून शेवटी हाती काहीच न लागल्याने शेवटी हॉटेलने या प्रकरणी पोलिसांकडे तक्रार दाखल केली आहे.

हे हि वाच भिडू :

• पिक्चरचं ऑनलाईन तिकीट बुकींग करतांना तुम्हाला गंडवलं जातंय.
• या पाच प्रकारे पेट्रोलपंपावर फसवलं जातं..?
• एक असा गंड पत्रकार ज्याने दाऊदच्या हॉटेलवर ४.२८ कोटींची बोली जिंकली होती!