बिहारच्या राजकारणात भाऊबंदकीची चर्चा पुन्हा सुरु झालीय.

भाऊबंदकीच राजकारण आपल्या देशाला तसं काही नवं नाही. म्हणजे राजकारणात सख्खा भाऊ पक्कावैरी असं असतयचं. आता याची प्रचिती बिहारच्या राजकारणात पण येऊ लागली आहे. म्हणजे त्याच झालाय असं कि, बिहारसहित भारतातले बरेच मीडियाकर्मी आता तेजस्वी यादव आणि तेजप्रताप यादव यांच्या भांडणावर गळे काढू लागलेत.

म्हणजे या दोघा भावभावांमध्ये भांडण लागली आहेत की नाही याच्याबाबत काही निश्चितता नाही. पण बिहारच्या राजकारणात काही चालू नाही तर मग लावा उगा भांडण हेच धोरण आहे. पण मग भांडण लागतील असं तरी काही घडलंय का, तर होय तस थोडं घडलंय..

म्हणजे सविस्तरपणे बघायचं झालं तर ‘तेज प्रताप-तेजस्वीची लढाई, भाऊ-भाऊची लढाई, लालू कुटुंबात पुन्हा शीतयुद्ध दिसले, राजद फुटेल!’ अशा हेडलाईन्स दर दोन ते चार महिन्यांनी प्रसारमाध्यमांमध्ये प्रसारित होतात. आणि मग दरवेळी प्रमाणे लालू यादव यांचे थोरले पुत्र तेजप्रताप म्हणतात की त्यांचा लहान भाऊ तेजस्वी हा त्यांचा अर्जुन आहे.

काल पुन्हा एकदा तेज आणि तेजस्वी यांच्यातील भांडणाची बातमी प्रसिद्ध झाली आहे. 

वास्तविक पाहता, तेज प्रताप यांनी पक्षाचे ज्येष्ठ नेते आणि राजदचे प्रदेशाध्यक्ष जगदानंद सिंह यांच्या संदर्भात निवेदन दिले आहे. तेज प्रताप यादव यांनी राज्याच्या आरजेडी कार्यालयात विद्यार्थी आरजेडीच्या बैठकीत सांगितले,

जगदानंद सिंह सगळीकडे फिरतात आणि हिटलरसारखे बोलतात. मी पूर्वी पक्ष कार्यालयात यायचो, तेव्हा आणि आता मध्ये जमीन -आसमानाचा फरक आहे. जेव्हा आमचे वडील येथे होते, तेव्हा पार्टीचे गेट नेहमीच उघडे असायचे. परंतु त्यांच्या जाण्यानंतर अनेकांनी मनमानी करायला सुरुवात केली आहे. पण एक लक्षात ठेवा खुर्ची कोणाच्या मालकीची नाही.

तेज प्रताप यांच्या या वक्तव्याने खळबळ उडाली. तेजप्रताप यांनी जगदानंद सिंह यांच्याबद्दल असे विधान करण्याची ही पहिलीच वेळ नाही. यापूर्वीही तेज प्रताप यांनी जगदानंदवर अनेक वेळा भाष्य केले आहे.

अलीकडे, जेव्हा तेज प्रताप राजदच्या २५ व्या स्थापना दिनानिमित्त व्यासपीठावर भाषण देत होते, तेव्हा त्यांनी पक्षाच्या नेत्यांना एका मुद्द्यावर हात वर करण्यास सांगितले. मंचावर बसलेल्या अनेक नेत्यांनी हात वर केले, पण जगदानंद सिंह हातात काही कागद वाचत होते, तेव्हाच तेज प्रताप म्हणाले – असे वाटते की काका अजूनही रागावले आहेत.

तेज प्रतापच्या या वक्तव्यानंतर शेजारी बसलेल्या श्याम रजक यांनी जगदानंदचा हात वर केला. यादरम्यानही तेज प्रताप कोणाचेही नाव न घेता पक्ष नेतृत्वावर टीका करीत होते.

आता तर तेजच्या पोस्टरमधून तेजस्वी बेपत्ता आहेत.

माध्यमे आणि विरोधकांच्या प्रश्नांना, फुटीच्या तर्काना असच बळ मिळत नाही. त्याच झालं असं की, तेज प्रताप यांनी आरजेडी विद्यार्थी युनिटची बैठक बोलावली होती.  त्यावेळी एक पोस्टर छापण्यात आले होत. आणि या पोस्टर्समधून तेजस्वी पोस्टर्समधून गायब होते.

पोस्टरमध्ये फक्त लालू, राबडी आणि तेज प्रताप यांचे फोटो दिसले. पण तेजस्वीचे कोणतेही फोटो नव्हते. त्यानंतरच पुन्हा प्रश्न निर्माण झाला. मात्र, जेव्हा प्रसारमाध्यमांनी तेजप्रतापला तेजस्वीचा फोटो नसल्याबद्दल प्रश्न विचारला, तेव्हा तेज प्रतापने पुन्हा आपल्या जुन्या विधानाची पुनरावृत्ती केली आणि तेजस्वी आपला अर्जुन असल्याचे सांगितले.

तेज प्रताप म्हणाले,

‘तेजस्वी आपल्या हृदयात आहे. बॅनर आणि पोस्टरमध्ये त्याचा फोटो नसल्याने असा काय फरक पडतो? तेजस्वी माझा अर्जुन आहे. ते मुख्यमंत्री होणार आहेत.

पण प्रश्न असाही पडतो की जर तेजस्वी अर्जुन असेल तर तो तेज प्रतापच्या पोस्टरमधून का गायब होता?

लालू कुटुंबीय प्रसारमाध्यमांना किंवा विरोधकांना अशा संधी का देतात, की लोक मतभेदाच्या बातम्या पसरवतील ? आता हे फक्त तेजप्रतापच सांगू शकतो.

तुरुंगातून बाहेर आल्यानंतर लालू यादव यांनी कमीत कमी दोन वेळा तेजस्वीला नेता म्हटले आहे. राजदच्या स्थापना दिनानिमित्त लालू म्हणाले की, तेजस्वीने एकट्याने खूप चांगले प्रदर्शन केले. मग शरद पवार आणि मुलायम यांची भेट घेऊनही तेजस्वीची स्तुती केली. इतक्या लहान वयात तेजस्वी यादवने बिहारसारख्या राज्यात आपलं अस्तित्व निर्माण केलंय. इतक्या जागा निवडून आणल्या, कोणालाच अपेक्षा नव्हती.

मग लालूंच्या या वक्तव्यावर तेजप्रताप चिडले असतील का ? काय सांगावं..शक्यता नाकारता येत नाही. 

हे ही वाच भिडू 

• मुख्यमंत्री लालू यादव फक्त तहान लागली म्हणून विमान लँड करायचा हट्ट धरून बसले होते ..
• लालूप्रसाद यादव आणि भाजपा यांची युती शक्य आहे काय?
• लालूंच्या सुपीक डोक्यातली ही कल्पना गरीबरथ बनून धावू लागली !