मावा मॅन आत्ता प्रसिद्ध झालाय अगोदर कानपुर ‘कमला पसंद’ साठी फेमस होतं…
तुम्ही जर टेस्ट क्रिकेट फॅन असाल तर कालच्या मॅचमध्ये तुम्हाला एक गोष्ट प्रकर्षाने दिसून आली असेल की काल खेळाडू जितके भारी खेळले म्हणा किंवा जितक्या विकेट पडल्या या सगळ्यांचं मार्केट एक भिडू खाऊन गेला. चालू मॅचमध्ये मस्त गुटख्याचा तोबरा भरून तो गडी फोनवर बोलत होता. एखादी मोठी डिल करत होता का सोयरीक जमवत होता ते आम्हाला पण माहिती नाही पण सगळी हवा त्या गड्याने पलटी केली. यावरून एक कळून आलं असेल की तलफ असलेली माणसं काय धिंगाणा घालू शकतात. विराट कोहली आणि केन विलीयम्सन कालच्या टेस्टचे प्रमुख आकर्षण होते पण त्या दोघांचं मार्केट तो मावामॅन खाऊन गेला.
— 🧢 (@dtsaae) November 25, 2021
आता कानपूरमध्ये गुटखा नाय खाणार मग कुठं खाणार. कमला पसंद या गुटख्याची उत्पत्ती म्हणा किंवा माहेरघर म्हणा ते म्हणजे कानपूर. या शहरात कमला पसंद पानमसाला एक ब्रँड मानला जातो. या कमला पसंद पानमसालाचीसुद्धा एक जबरदस्त यशोगाथा आहे. जर तुम्ही गावखेड्यात राहणार असाल तर व्यवसाय कसा बहरू शकतो याचं उत्तम उदाहरण म्हणजे कमला पसंद पान मसाला.
पण कमला पसंद पान मसाला ब्रँड कसा चर्चेत आलेला तर त्याच्यामागे मोठं कांड घडलं होतं. कानपूर शहरातील फिलखाना येथे राहणाऱ्या कमला कांत चौरसिया या प्रसिद्ध पान मसाला कंपनीच्या मालकाला म्हणजे कमला पसंद यांना गुटख्याच्या व्यवसायाची आवड होती. 80 च्या दशकात रस्त्याच्या कडेला असलेल्या कचऱ्यात खुला पान मसाला विकणारे कमलाकांत आज कोट्यवधींचे मालक आहेत. गुटख्याच्या अनेक ब्रँड्सव्यतिरिक्त अर्धा डझनहून अधिक अन्य व्यवसायांमध्येही मोठ्या प्रमाणात हस्तक्षेप आहे.
एकदा केंद्रीय उत्पादन शुल्क पथकाने 147 कोटी रुपयांचे उत्पादन शुल्क चुकवल्याच्या आरोपाखाली लखनऊमध्ये कमलाच्या पसंतीची फ्रेंचायझी घेतलेल्या नंद किशोरला अटक केली, तेव्हा कानपूरमध्ये त्याच्या व्यावसायिक प्रवासाची चर्चा सामान्य झाली.
कमलाकांत चौरसिया यांना ओळखणारे सांगतात की 1985 च्या सुमारास त्यांनी घरी साधा पान मसाला बनवायला सुरुवात केली. कहू कोठीतील ढिगाऱ्यात ते सगळा माल विकायचे. त्यांचे भाऊ बच्छा आणि आनंद किशोर चौरसिया त्यांच्या कामात मदत करायचे. हळूहळू अनेक ब्रँड्स एकामागून एक आले. सन 2000 नंतर त्यांनी बरीच प्रगती केल्याचे सांगितले जाते. राजश्री गुटख्याने देशभर ठसा उमटवला. यानंतर त्यांचा रिअल इस्टेट आणि लोखंडाचा व्यवसायही भरभराटीला आला. त्यांचे आजही शहरातील नयागंज येथील लाल फाटक येथे कार्यालय आहे. बरीच संपत्ती आहे.
गावखेड्यातून हा ब्रँड तयार झाला याचं लोकांमध्ये विशेष कौतुक आहे शिवाय जाहिरातीत अमिताभ बच्चन आहे म्हणल्यावर थेट कळसच. आजही कमला पसंद अनेक क्रिकेट मॅचच्या दरम्यान ऍडव्हरटायझिंग बोर्डवर दिसून येते. रजनीगंधा, आरएमडी अशा अनेक टॉपच्या ब्रॅंडमध्ये कमला पसंद तग धरून राहिली आणि लोकांच्या आवडीनिवडी जपत राहिली हे विशेष.
हे ही वाच भिडू :
- दोन राधेशाम एकत्र आले आणि भारताला ‘थंडा थंडा कूल कूल’ बनवणारा ब्रँड तयार झाला
- कधीकाळी हातात बंदुका असणाऱ्या नक्षलवादी महिलांनी स्वतःचा ब्रँड उभा केलाय
- लवंगी फटाका ते लक्ष्मी बॉम्ब..९० वर्षे भारतात घुमणारा एकच आवाज म्हणजे अनिल ब्रँड
- हमालानं उभ्या केलेल्या गुची ब्रॅण्डनं सगळ्यात महागडी जीन्स विकत रेकॉर्ड केला होता…