अँजेला मर्केलनंतर जर्मनीच्या नेक्स्ट चॅन्सलरच्या शर्यतीत तीन उमेदवारांची चर्चा होतेय

जर्मनीत २६ सप्टेंबरला मतदान झालं. या निवडणुकीच्या निकालात आलेले परिणाम जरा अपेक्षितचं नव्हते. कारण सलग १६ वर्षे सत्तेत असलेली ख्रिश्चन डेमोक्रॅटिक युनियन (CDU) या निवडणुकीत दुसऱ्या क्रमांकावर राहिली.  या निकालासाठी अँजेला मर्केल हेही एक मोठे कारण असल्याचे म्हंटले जाते. कारण, मर्केल यांनी यावेळी निवडणूक न लढवण्याची घोषणा केली होती.

२००५ पासून सत्तेत असलेल्या मर्केल यांच्यानंतर आता सत्तेच्या चाव्या कोणाकडे असतील, ती महिलांचं असेल कि दुसरं कोणी असे अनेक प्रश्न निर्माण होतायेत. यातचं तीन उमेदवारांच्या नावांची  जोरदार चर्चा होतेय. ज्यांच्याकडे जर्मनीचा नेक्स्ट चान्सलर म्हणून पहिले जातेय. 

ओलाफ स्‍कोल्‍ज

६२  वर्षीय ओलाफ स्कॉल्ज जर्मनीतील प्रसिद्ध व्यक्ती आहेत. स्कॉल्ज सध्या जर्मनीचे अर्थमंत्री आहेत. सोबतच चान्सलर अँजेला मर्केलचे डेप्युटी आहेत. जर्मनीमध्ये निवडणूक प्रचारादरम्यान, चान्सलर होण्याची त्यांची शक्यता प्रबळ दिसत होती. १९९८  ते २०११ पर्यंत ते खासदार होते. ओपिनियन पोलने त्यांना निम्म्याहून अधिक मतदारांनी चान्सलरसाठी त्यांना पहिली पसंती दाखवलीये.

त्यांनी तरुणपणीचं राजकीय मैदानातं आपलं पाऊल टाकलं आणि समाजवादी चळवळीचा एक भाग बनले. स्कोल्झ २०११ ते २०१८ पर्यंत हॅम्बर्ग शहराचे महापौरही होते. महापौर पदावर असताना त्यांनी आर्थिक सुधारणांवर भर दिला आणि यश मिळवले. तो तरुण वयात राजकारणात आला आणि समाजवादी चळवळीचा एक भाग बनला. एसपीडीमध्ये ते पुराणमतवादी नेते म्हणून ओळखले जातात.

साथीच्या काळात, त्यांच्या नेतृत्वाखाली, सरकारने व्यापारी आणि कामगारांसाठी ९०४ अब्ज डॉलरचे मदत पॅकेज लागू केले. कोरोना महामारीच्या काळात त्यांच्या कार्याचे कौतुक झाले. जर्मन नागरिकांना अँजेला मर्केल यांच्या काळात देशात असलेली स्थिरता कायम  हवी असल्याने, स्कॉल्ज हे जर्मन लोकांची पहिली पसंती बनले आहेत.

अॅनालेना बेअरबॉक

अँजेना मर्केलनंतर जर्मनीच्या चान्सलरच्या शर्यतीत अँनालेना बेअरबॉक या एकमेव महिला उमेदवार आहे. ती आतापर्यंत ग्रीन पार्टीची पहिली चान्सलर उमेदवार देखील आहे. ४०  वर्षीय बेअरबॉक यांनी हॅम्बर्ग आणि लंडनमध्ये कायदा आणि राजकारणाचा अभ्यास केला आणि युरोपियन संसदेत ग्रीन्स पार्टीसाठी काम केलेय.

पक्ष पुढील सत्ताधारी आघाडीचा भाग असल्याचे मानले जाते. निवडणुकीत लोकांचा फारसा पाठिंबा जरी मिळाला नसला तरी, या वर्षीच्या ओपिनियन पोलमध्ये, ग्रीन्स पक्षाच्या समर्थनाचा आलेख झपाट्याने वाढला आहे. तो जवळपास २५ टक्क्यांवर पोहोचला होता.

आता, बेअरबॉक  आणि त्यांचे सहकारी नेते रॉबर्ट हेबेक हे पक्षात शिस्त लागू करण्यासाठी ओळखले जातात. मात्र त्यांच्यावर साहित्य चोरी सीव्हीमध्ये वाढून- चाढुन लिहिण्याचा आरोप होता. या आरोपांमुळे त्यांच्या इमेजवरही परिणाम झालाय.

  आर्मिन लॅशेट

चान्सलरचा शर्यतीत आर्मिन लॅशेट यांचही नाव समोर येतंय. ६० वर्षीय लॅशेट आपल्या बाकीच्या उमेदवारांपेक्षा पुढे होते, परंतु काही चुकांमुळे त्याच्या लोकप्रियतेचा ग्राफ खाली पडला. तरीही, ते कुलपतीपदाच्या शर्यतीत कायम आहे. ते अँजेला मर्केलचा राजकीय पक्ष ख्रिश्चन डेमोक्रॅटिक पार्टी (सीडीयू) चे नेते आहेत. लॅशेट हे अँजेला मर्केल यांचे पक्षप्रमुख पदाचे दुसरे उत्तराधिकारी आहेत. 

ख्रिश्चन डेमोक्रॅट्सनी संसदीय निवडणुकीत बहुमत मिळवल्यास ते चान्सलर पदासाठी प्रबळ दावेदार आहेत. कारण त्यांच्याचं पक्षात चान्सलर पदाच्या उमेदवारीसाठी त्यांनी मार्कस सोडरला फार कमी फरकाने मागे टाकले होते आहे. ही शर्यत जिंकल्यानंतर CDU ने लॅशेट याना पाठिंबा दिला आहे. लॅशेट हे पक्षाध्यक्षपदासाठी तीन दावेदारांपैकी एकमेव होते, ज्यांनी यापूर्वी प्रांतीय स्तरावर पक्षासाठी निवडणुका जिंकल्या आहेत आणि त्यांना सरकार चालवण्याचा अनुभव आहे.

दरम्यान, लॅशेट यांच्यावर कोरोना साथीच्या खराब व्यवस्थापनाचा आरोप करण्यात आला आहे. आणखी एका घटनेने लॅचेटची लोकप्रियताही कमी झालीये. ती म्हणजे जुलै महिन्यात देशात आलेल्या महापुरादरम्यान राष्ट्रपतींच्या भाषणादरम्यान लॅशेट यांचा हसतानाचा फोटो कॅमेऱ्यात कैद झाला होता. या घटनेनंतर त्याची लोकप्रियता कमी झाली. केवळ २० टक्के लोक त्यांना चॅन्सलर म्हणून पाहू इच्छितात.

हे ही वाच भिडू :

Leave A Reply

Your email address will not be published.