टेस्लाच्या संशोधनावर स्वामी विवेकानंद यांच्या अध्यात्माचा प्रभाव होता.

१८ व्या शतकाच्या शेवटपर्यंत आपल्याला आत्ता जशी बटण दाबले की वीज मिळते, तशी मिळत नव्हती. आपण सद्या वापरत असलेला अल्टरनेटींग करंटचा शोध अजून लागला नव्हता, केवळ डायरेक्ट करंट उपलब्ध झालेला होता. परंतु त्यानंतर वीज एका ठिकाणावरून दुसऱ्या ठिकाणी वाहून नेणे सोपे झाले ते टेस्ला यांच्या संशोधनामुळे. त्यांनीच अल्टरनेटींग करंट (AC) चा शोध लावला होता.

१८८२ मध्ये टेस्ला यांनी पॅरिसमधील एडिसन कंपनीमध्ये नोकरी करतांना त्यांना इलेक्ट्रिकल इंजिनिअरिंगचा खरा अनुभव मिळाला. टेस्ला यांचे इंजिनिअरिंग आणि फिजिक्समधील अफाट ज्ञान आणि अभ्यास बघून कंपनीने त्यांना मोटर बनविणे आणि डिझाईन करणे या जबाबदाऱ्या दिल्या. आणि त्यानंतर टेस्ला यांनी नोकरी सोडली आणि अमेरिकेत आले.  आणि  १८८५ मध्ये त्यांनी स्वतःची “टेस्ला इलेक्ट्रिक लाईट अँड मॅन्युफॅक्चरिंग” ही कंपनी स्थापन केली, त्या कंपनीद्वारे त्यांनी बरेच मोठ-मोठाले शोध लावले.

टेस्ला हे एक मोठे इलेक्ट्रिकल इंजिनिअर, मेकॅनिकल इंजिनिअर होते तसेच ते  तसेच ते वेदांताचे  अभ्यासक सुद्धा होते.

निकोला टेस्ला जेव्हा अमेरिकेत स्थायिक झाला त्याच सुमारास स्वामी विवेकानंद अमेरिकेत होते. हा काळ होता साधारणतः १८९६ चा. स्वामी विवेकानंद यांची अनेक ठिकाणी व्याख्याने चालू होती. ते बऱ्यापैकी लोकप्रिय झाले होते. त्यामुळे त्यांना अनेक कार्यक्रमांना उपस्थित राहण्याचे निमंत्रण मिळत असे.

त्यांच्या याच अभ्यासामुळे त्यांची भेट विवेकानंदांसोबत झाली होती. योगही असा जुळून आला कि टेस्ला जेव्हा १८९६ मध्ये अमेरिकेत स्थायिक होते त्यादरम्यान स्वामी विवेकानंदही अमेरिकेत मध्येच होते. विवेकानंद त्याकाळात विदेशातही बरेच लोकप्रिय झाले होते. त्यांना बऱ्याचदा व्याख्याने करण्याचे निमंत्रणे यायची त्यामुळे विवेकानंद यांची परदेशी दौरे नेहेमीच असायचे.  

वेदांताच्या अभ्यासामुळेच दोघांची भेट झाल्याची काही पुरावे हि आढळून आले आहेत. “कम्प्लिट वर्क ऑफ स्वामी विवेकानंद’ याच्या ५व्या खंडात याचे काही उल्लेख आढळून आले आहेत.

एकदा अमिरिकेत गौतम बुद्धांच्या आयुष्यावर आधारित असलेल्या नाटकाला स्वामी विवेकानंद उपस्थिती होते. बुद्धांच्या आयुष्यावर आणि भारतीय संस्कृतीवर अभ्यास केलेल्या काही लोकांनी विवेकानंदाची भेट घेतली त्यात टेस्ला सुद्धा होते, त्या दोघांची हि पहिलीच भेट होती.

एका विषयात रस असणारे आणि त्यातच अभ्यास करणारे दोन व्यक्ती एकत्र आले म्हणजे गहन चर्चा तर होणारच. तशीच या दोघांत वेदांत आणि इतर विषयांवर चर्चा बरीच लांबलचकचर्चा झाली.

स्वामी विवेकानंद यांनी वेदांत अमेरिकेतील बुद्धिजीवींपर्यंत तर पोहचवला होता परंतु त्यांची इच्छा होती कि जर वेदांताला वैज्ञानिक आधार आहे हे जर सिद्ध करताआलं तर खूप चांगलं होईल असं त्यांनी टेस्ला यांच्याजवळ मत व्यक्त केलं.