रिहानाला मुस्लिम समजत आहात, थांबा तिला तर मस्जिदीमधून बाहेर काढण्यात आलं होतं…

तर रिहाना हि हॉलिवूडची सगळ्यात सुप्रसिद्ध पॉप-सिंगर आहे. तिचं मुळ नाव रॉबिन रिहाना फेंटी. बार्बाडोस या कॅरिबिनय बेटांमधल्या देशात १९८८ साली तिचा जन्म झाला आणि ती तिथेच लहानाची मोठी झाली. अमेरिकतले प्रोड्युसर एव्हन रॉजर्स यांनी २००५ मध्ये म्हणजे ती १७ वर्षाची असताना तिचा आवाज ऐकला आणि तिला अमेरिकेत यायचं आमंत्रण दिलं.

२००५ सालीचा तिचा पहिला अल्बम प्रसिद्ध झाला.

यानांतच तिला प्रसिद्धी मिळायला सुरुवात झाली.

२००६ मध्ये ‘गर्ल लाईक मी’ या अल्बममधील गाण्यांनी तिला प्रचंड लोकप्रियता मिळवून दिली. त्यावर्षीच्या १३ देशांमधील टॉप १० गाण्यांमध्ये तिच्या गाण्याला स्थान मिळालं होतं. पण तिला खऱ्या अर्थाने सुपरस्टार बनवलं ते ‘गुड गर्ल गॉन बॅड’ या अल्बमने.

आज ३२ वर्षांची असलेली रिहाना बिलबोर्ड हॉट १००’ या यादीत स्थान मिळवणारी सर्वांत कमी वयाची गायिका आहे. आजवर ८ ग्रॅमी पुरस्कार तिच्या नावावर आहेत. सोबतच ती सगळ्यात जास्त मानधन घेणारी गायिका बनली.

फोर्ब्स मासिकनुसार तिची एकूण संपत्ती ६०० मिलियन डॉलर (भारतीय रुपयात ४ हजार ४०० कोटी). २०१९ या वर्षांत फोर्ब्सने तिला जगातील सर्वात श्रीमंत गायिका म्हणून घोषित केलं होतं.

अधून मधून तिच्या गाण्यांच्या व्हिडीओवरून देखील वाद निर्माण होत असतात. उदा. २०१५ साली आलेल्या ‘बेटर हॅव माय मनी’ या व्हिडिओवरून वाद उभा राहिला होता. त्यात नग्नता, शिव्या आणि हिंसा असं सगळं दाखवल्यामुळे जास्त चर्चेत आला होता.

आता ही सगळी माहिती मिळाल्यानंतर लोकांनी तिच्या धर्माबद्दल गुगलवर सर्च करायला सुरुवात केली. तिच्या नावावरून रिहाना मुस्लिम आहे का? रिहानाचा धर्म? अशा वेगवेगळ्या टॅग्स वापरून तिच्या धर्माबद्दल जाणून घेण्याची उत्सुकता लागली आहे. 

तर सांगायचं असं की लोक ज्या सर्च करताना तिला मुस्लिम म्हणतायत पण,

रिहाना जन्मजात ख्रिस्चन आहे. एका मॅगझीनला दिलेल्या मुलाखती दरम्यान तिने स्वतः ही माहिती दिली होती.

यासोबतच तिला मुस्लिम धर्मियांकडून विरोध झाल्याचं आणि त्यावरून वाद झाल्याचं देखील पाहायला मिळालं होतं.