जिची भाकितं वाचून लोक घाबरतात त्या बाबा वेंगाच्या भाकितात किती तथ्य असते?

मिळालेल्या माहितीनुसार, तिचे ८५ टक्के अंदाज खरे ठरलेत, पण तिचे अनेक दावे फोलसुद्धा गेलेत. असं म्हणलं जातं की, बाबा वेंगा हिला जगाबद्दल जे भविष्य दिसत गेलं ते भविष्य ती सांगत गेली. तिच्या अनुयायांनी ते भविष्य लिहून काढलेलं आहे. पण १९९६ मध्येच तिचा मृत्यू झाला. मरण्याआधी तिने ५०७९ सालापर्यंतचं भविष्य सांगून ठेवलं आहे. तिचं असं म्हणणं होतं की, ५०७९ साली जगाचा अंत होणारे.

या बाबा वेंगाने केलेल्या भाकितांबाबत काय आहे तथ्य?

• आता मुख्य विषय असा आहे कि, तिने सांगितलेली भवितव्य कुठे लिहून ठेवलीत हे आजवर कुणालाही नीटसं सांगता आलं नाहीये. आता तिचे कोणते दावे खरे ठरले किंवा, किती दावे खरे ठरले यापेक्षा महत्वाचं हे आहे की… तिने केलेले दावे आजवर लिखित स्वरुपात कुणीही पाहिलेले नाहीत.
• दुसरा महत्त्वाचा विषय असा की, काही वेबसाईट्स आणि अभ्यासकांच्या म्हणण्यानुसार हे भविष्य नाही तर, विज्ञान आहे. जसं, ‘पृथ्वीवर जलप्रलय येईल’ हे सांगण्यासाठी काही भविष्य पाहायची गरज नसते. तर, जलप्रलय येणं ही निसर्गाचा आणि पर्यायानं विज्ञानाचा भाग आहे. पृथ्वीवर मनुष्यांनी केलेल्या निसर्गाच्या ऱ्हासामुळे भविष्यात आणखीही नैसर्गिक आपत्ती येणारच आहेत हे सांगण्यासाठी भविष्य पाहता येण्याची गरज नाही.
• असाही दावा केला जातो कि, ‘एखादी घटना घडून गेल्यानंतर बाबा वेंगाने हे होणार असल्याचं भाकित केलं असल्याचा दावा तिचे अनुयायी करतात.’

जर, बाबा वेंगा हिने केलेली भाकितं कुठेही लिहून ठेवली नसतीलच तर मग… तिने केलेली भाकितं खरी होतात या गोष्टीवर विश्वास ठेवणं कठीणच आहे. २०२३ला जगावर महासंकट येणार असल्याच्या या बातम्यांवर अनेक लोकांनी विश्वास ठेवला असेल.

पण, मुळात ही भाकितं खरी आहेत की खोटी हे सांगणं कुणालाच शक्य नाही. प्रत्येकाने आपापली विवेक बुद्धी वापरून या भाकितांवर विश्वास ठेवायचा किंवा नाही हे ठरवणं गरजेचं आहे.

हे ही वाच भिडू:

खऱ्या सापाला एकवेळ लोक कमी भीतील पण पत्रिकेतला कालसर्प लय टेन्शन देतो

लहान मुलींना त्यांच्या भविष्याची कल्पना करता यावी म्हणून बार्बीची एन्ट्री झाली