आणि अशाप्रकारे जगातील एकमेव देशात अवघ्या १ तासात ३ राष्ट्रपती बदलण्यात आले होते

By Team Bol Bhidu On Jan 9, 2022

जगातील सर्वात सुंदर देशांपैकी एक असलेला मेक्सिको सध्या पर्यटनस्थळांवर होणाऱ्या लष्करी हल्ल्यांमुळे चिंतेत आहे. गेल्या काही दिवसांत देशातील ३ प्रमुख पर्यटन स्थळांवर हल्ले झाले आहेत. यादरम्यान मेक्सिकोच्या गर्दीने गजबजलेल्या सुंदर समुद्रकिनाऱ्यांना लक्ष्य केले जात आहे. या हल्ल्यांसाठी मेक्सिकन टोळ्या, रशियाशी संबंधित संघटना आणि स्थानिक राजकारणी जबाबदार असल्याचं म्हटलं जात आहे.

याशिवाय, आंद्रेस मॅन्युएल लोपेझ ओब्राडोरबद्दल आजकाल मेक्सिकोमध्ये बराच गोंधळ सुरू आहे. वास्तविक, ‘कोरोना महामारी’ संदर्भात ओब्राडोरच्या खराब धोरणांमुळे मेक्सिकोचे लोक संतप्त आहेत. मेक्सिकोसारख्या छोट्या देशात आतापर्यंत २ लाख ९६ हजार ९८३ लोकांचा कोरोनामुळे मृत्यू झाला आहे, तर आतापर्यंत एकूण ३९ लाख २१ हजार ६८२ लोकांना कोरोनाची बाधा झाली आहे.

खरं तर, मेक्सिको हा जगातील एकमेव देश आहे जिथे अवघ्या १ तासात ३ राष्ट्राध्यक्ष बदलले आहेत. आजकाल मेक्सिकोचे अध्यक्ष, आंद्रेस मॅन्युएल लोपेझ ओब्राडोर हे ‘रिकॉल इलेक्शन’साठी स्वतःच्या विरोधात प्रचार करत आहेत. यादरम्यान त्यांनी आपल्या एका भाषणात असेही म्हटले होते की,

‘राज्य चालवणारा माणूस काम करण्यास सक्षम नसेल आणि लोकांचे आदेश पाळत नसेल, तर त्याचा जनादेश रद्द करा आणि त्याला हाकलून द्या!’

अध्यक्ष आंद्रेस मॅन्युएल लोपेझ ओब्राडोर यांचे हे विधानही खरे ठरू शकते. कारण मेक्सिको हा जगातील एकमेव देश आहे जिथे अवघ्या 1 तासात 3 राष्ट्राध्यक्ष बदलले आहेत.

अखेर १ तासात ३ अध्यक्ष का निवडले गेले?

मेक्सिको हा जगातील एकमेव देश आहे जिथे अवघ्या १ तासात ३ राष्ट्राध्यक्ष निवडले गेले. आजपासून सुमारे १०८ वर्षांपूर्वी घडलेल्या या घटनेने जगाच्या इतिहासात मेक्सिकोचे नाव कायमचे नोंदवले आहे. ही घटना १९१३ सालची आहे. 19 फेब्रुवारी 1913 रोजी मेक्सिकोचे तत्कालीन राष्ट्राध्यक्ष फ्रान्सिस्को आय मादेरो यांनी काही कारणास्तव आपल्या पदावरून राजीनामा दिला.

मृत म्हणून घोषित केलेला बालेश कुमार 20 वर्षांनी जिवंत…

Oct 18, 2023

प्रेम, द्वेष आणि राजकारणातून झालेलं ‘मधुमिता…

Aug 25, 2023

राष्ट्राध्यक्ष फ्रान्सिस्को आय माडेरो यांच्या राजीनाम्यानंतर लगेचच पेड्रो लास्कुरेन हे मेक्सिकोचे नवे अध्यक्ष झाले, परंतु त्यांनीही काही मिनिटांतच अचानक आपल्या पदाचा राजीनामा दिला. पेड्रो लास्कुरिन यांच्या नावावर सर्वात कमी काळ राष्ट्राध्यक्ष राहण्याचा विश्वविक्रम आहे, जो आजपर्यंत कोणीही मोडू शकलेले नाही. अवघ्या २६ मिनिटांसाठी ते मेक्सिकोचे राष्ट्राध्यक्ष झाले.

राष्ट्राध्यक्ष पेड्रो लास्कुरिन यांनी राजीनामा दिल्यानंतर लगेचच व्हिक्टोरियानो हुएर्टा यांना मेक्सिकोचे अध्यक्ष बनवण्यात आले. अशाप्रकारे अवघ्या १ तासात मेक्सिकोमध्ये राष्ट्राध्यक्षपदासाठी ३ लोक निवडून आले. व्हिक्टोरियानो हुएर्टाचा कार्यकाळही फार काळ टिकला नाही. सुमारे १ वर्ष आणि ५ महिन्यांनंतर, व्हिक्टोरियानोची मेक्सिकोच्या अध्यक्षपदावरूनही मुक्तता झाली.

अशी घटना जगाच्या इतिहासात पहिल्यांदाच आणि शेवटची झाली. भविष्यात काहीही होऊ शकतं, आपल्या महाराष्ट्राच्या राजकारणाने सामान्य जनतेला पहाटेचं राजकरण आणि शपथविधी कसा असतो हेही दाखवलंच होतं. पण मेक्सिकोची घटना ऐतिहासिकच म्हणावी लागेल.

हे ही वाच भिडू :