अशनीरने पैसे लावलेली अजून एक कंपनी 40 पटीने वाढलीये…

By Team Bol Bhidu On May 12, 2022

भारतामधील पारंपरिक रिऍलिटी शोचं मॉडेल बदललं ते एकाच शोने – ‘शार्क टॅंक’. इतर रिऍलिटी शोमध्ये भावनांचं भांडवल करणं ही पद्धत रुजली असल्याच्या चर्चा असताना शार्क टॅंक अशी आयडिया घेऊन आलं ज्याने तुमच्या बुद्धीचं भांडवल करण्याची खुली सूट दिली. फक्त बिजनेस आयडिया घेऊन या आणि आवडली तर मोठी इन्व्हेस्टमेंट घेऊन जा.

शार्क टॅन्कच्या या पहिल्या सिजनला भयानक प्रतिसाद मिळाला. शोच्या प्लॅटफॉर्मवर एंट्री केल्यावर तुमच्या बुद्धीला न्याय देणारे ७ जण समोरच खुर्चीवर विराजमान असायचे. भारताच्या मोठमोठ्या बिजनेस कंपन्यांमध्ये कार्यरत असणारे हे लोक होते, ज्याची कंपनी लोकांना माहित होती मात्र ती उभी करणारे स्वतः ते कुणाला माहित नव्हते. नेमके तेच ‘जायंट माईंडेड’ लोक या शोने समोर आणले.

झटक्यात ते अगदी सामन्यातील सामन्याला ओळखीचे झाले, अनेकांचे प्रेरणा स्थान बनले. मात्र यात सगळ्यात जास्त भाव खाऊन गेला तो एकच व्यक्ती –

आजी आणि भावी मुख्यमंत्र्यांना हरवणारा माणूस केव्ही रमणा…

Dec 3, 2023

ओबीसीनंतर आता भाजपचा आदिवासी मतांवर डोळा..

Nov 18, 2023

अशनीर ग्रोव्हर

अशनीर ग्रोव्हर शोमध्ये आणि शोनंतर देखील नेहमी चर्चेत राहिला आहे. एकतर त्याच्या डायलॉग्सने मीमच्या माध्यमातून तर दुसरं विवादितपणे. पण तो चर्चेत कसाही असो, एक गोष्ट मात्र नक्की की, बिजनेसच्या बाबतीत तो कसा ‘बाप’ आहे ना, हे सिद्ध करायला त्याला बोलण्याची गरज पडत नाही. ज्या कंपन्यांमध्ये त्याने पैसे गुंतवलेत, त्यांचं यशच अशनीरची स्ट्रॅटेजी दाखवतं.

अशनीरने पैसे लावलेली अशीच एक कंपनी चक्क ४० पटीने वाढलीये बॉस. स्वतः अशनीरने फोटो शेअर करत ही माहिती दिलीये.

View this post on Instagram

A post shared by Ashneer Grover (@ashneer.grover)

शार्क टँकने जज आणि कन्टेस्टंट अशा दोन्ही लोकांना फायदा करून देण्याचं मॉडेल समोर आणलं होतं. असंच एक जोडपं रवी आणि अनुजा काबरा एकदिवस शो मध्ये आले. ‘स्किपी आइस पॉप्स’ असं त्यांच्या बिजनेसचं नाव होतं. त्यांनी एंट्री केली तेव्हा कुणालाही वाटलं नव्हतं की, साधारण आइस पॉप्सवाली कंपनी शार्क टँक इंडियावर इतिहास रचले.

काही नाही, अगदी साधं प्रोडक्ट. आपण लहानपणी बघा उन्हाळा लागला की, पन्नास पैसे- एक रुपयांना पेप्सी घेऊन यायचो किराणा दुकानातून, अजूनही हौसेने खातातच बरेच जण, त्याचाच हा बिजनेस. फक्त त्याला त्यांनी मॉडर्न आणि हेल्दी टच दिलेला.

यामध्ये वापरण्यात येणारे कलर हे पूर्णतः नैसर्गिक आहेत, कोणताही आर्टिफिशिअल फ्लेवर यामध्ये नाही, गोडवा येण्यासाठी देखील कोणत्याही आर्टिफिशिअल गोष्टी ऍड केल्या गेल्या नाहीत. तर कोणतेही आर्टिफिशिअल प्रिजर्वेटिव्हस नाही.

या गोष्टींमुळे तुम्ही कितीही दिवस याला प्रिझर्व करून ठेवू शकतात. त्यात लिक्विड फॉर्ममध्ये उपलब्ध असल्याने हवं तसं त्याला फ्रिज करून खाता येऊ शकत.

एक गोष्ट म्हणजे सगळ्यांना बालपणाच्या आठवणीत नेणारा आणि सगळ्यांच्या जिव्हाळ्याचा असा हा मुद्दा होता शिवाय बिजनेसला हवी असणारी सगळी हुशारी यात असल्याने तिथे उपस्थित पाचही शार्क्सला हे मॉडेल आवडलं.

पहिली बोली लावली ती अशनीरने…

अशनीरसोबत अजून एका जाजने आधी १२ कोटीसाठी कंपनीत ५% शेअरच्या बदल्यात ६० लाख देण्याची डील समोर ठेवली. अशनीर तसा भडकाऊ आणि येणाऱ्या प्रत्येक कन्टेस्टंटची चांगलीच जिरवणारा असा जज म्हणून ओळखला जात होता. तोंडावर तो लायकी काढायचा, म्हणून ट्रोल होत राहिला.

अशात त्याने एखाद्या कंपनीत इन्व्हेस्ट करणं खूपच ‘मोठं’ समजलं जायचं. अशनीरने इन्व्हेस्ट केल्यानंतर इतर जज देखील पुढे झाले आणि अजून दोघांनी ९ कोटीसाठी कंपनीत ५% शेअरच्या बदल्यात ४५ लाख देण्याची डील समोर ठेवली.

अशनीर मात्र आइस पॉप्स खात आरामात बसला. शेवटी पाचही जणांच्या वतीने डील ठरवली गेली आणि स्किपी आइस पॉप्सला १५% इक्विटीसाठी १ कोटी अशी डील लॉक झाली.

रवी आणि अनुजा काबरा यांना सर्वप्रथम ‘ऑल शार्क डील’ मिळाली होती.

View this post on Instagram

A post shared by Ravi Kabra (@ravikabra)

वर्षभरापूर्वीच कोरोना काळात लॉकडाऊनमुळे या दोघांचं ११ लाख रुपयांचं प्रचंड नुकसान झालं होतं. सुमारे ५५ लाख रुपयांची गुंतवणूक त्यांनी केली होती मात्र त्यांचे बर्फाच्या पॉप्सिकल्सना बाजारात ठीकठाक जागा मिळण्यापूर्वीच त्यांना त्यांचे कामकाज बंद करावं लागलं होतं.

मात्र २०२१ च्या सुरूवातीस पहिली बॅच तीन आठवड्यांच्या आत विकली गेली, असं रवी सांगतात. या जोडप्याने पारंपारिक बाजारपेठा आणि ॲमेझॉन आणि फ्लिपकार्ट सारख्या ई-कॉमर्स प्लॅटफॉर्मला लक्ष्य केलं.

हेच मॉडेल घेऊन जेव्हा ते शार्क टॅंकमध्ये आले होते तेव्हा दरमहिन्याला ते ६०,००० पॉप्सिकल्स विकत होते आणि त्यांच्या यंत्रसामग्रीची क्षमता तीन लाख होती.

शार्क टॅंकमधून फंडिंग मिळाली आणि प्रसिद्धी देखील. त्यात सगळे शार्क मिळाल्याने त्यांच्या ब्रॅण्डची अजून चर्चा झाली आणि ऑर्डर्स, गुंतवणूकदार, डिस्ट्रिब्युशन रिक्वेस्ट आणि एक्सपांडींग टीम आपोआप वाढत गेली.

त्यांना आजघडीला एका रात्रीत फक्त ऑनलाइन प्लॅटफॉर्मसाठी २१,००० ऑर्डरवर काम करावं लागत आहे. एकदा तर काबरा जोडप्याला ८०० लोकांसह व्हिडिओ कॉल करावा लागला होता, कारण त्यांच्याकडे त्यांना व्यक्तिशः भेटण्यासाठी वेळ आणि संसाधने नव्हती.

काबरा यांची यादी दुप्पट झाली आहे आणि त्यांच्याकडे उत्तरेत असेच प्रकल्प स्थापित करण्यासाठी कंपन्यांकडून प्रस्ताव येत आहेत. हा प्रतिसाद अभूतपूर्व आहे. हेच आम्ही लाँचिंगपूर्वीच भाकीत केलं होतं, असं काबरा यांचं म्हणणं आहे.

त्यांना आता प्रोडक्शनच्या आधीच ग्राहक मिळत आहेत. बऱ्याच एजन्सीज त्यांच्या ब्रँडशी भागीदारी करण्यासाठी रांगा लावत असल्याचं दिसत आहे.

सध्या हा ब्रँड पाच राज्यांमध्ये असून यंदाचा रेव्हेन्यू चार कोटी रुपये इतका आहे. त्यांना आशा आहे की २०२३ चे आर्थिक वर्ष ३० कोटी रुपयांपर्यंत जाईल आणि पाच वर्षांनंतर ते १०० कोटी रुपयांवर पोहोचेल.

तर त्यांची मासिक विक्री ७० लाख असून युगांडा, नेपाळ, कुवेत, हाँगकाँग आणि दुबई या देशांतही आंतरराष्ट्रीय निर्यात ते करीत आहे.

नुकतंच अशनीरने रवी काबरा यांच्यासोबत फोटो शेअर केला आहे. ज्यावर अशनीरने लिहिले की, “शार्क टँकनंतर @skippiicepops संस्थापक @ravikabra यांच्याशी संपर्क साधताना खूप छान वाटले. स्किपी हे एक उत्तम उत्पादन आहे आणि विक्रीत ४० एक्स वाढ झाली आहे. @sharktank.india सीझन १ मधील कदाचित सर्वात मोठी यशोगाथा आहे.”

ही काही पहिलीच कंपनी नाही जिच्यामध्ये अशनीरने इन्व्हेस्ट केलं आणि तिने झेप घेतली.

याआधी मधू मानस या उद्योजकाने कमी अधिक नाही तर ५० लाखांची इनव्हेसमेंट अशनीर कडून मिळवली होती. मानस मधू केरळचा असून बियॉड स्नॅक्स; केरळा बनाना चिप्स नावाची त्याची कंपनी आहे. त्याने शार्क टॅंकमधून अशनीरकडून इनव्हेसमेंट मिळवल्यानंतर सहा महिन्याच्या आत ३ पटीने फायदा झाला असल्याची माहिती दिलीये.

यातून अशनीर ग्रोव्हरचा हात म्हणजे ‘वरदहस्त’ सिद्ध होतोय, असंच एकंदरीत दिसतंय.

हे ही वाच भिडू :